22.8 C
Tunisie
mercredi, septembre 28, 2022
الرئيسيةمجتمعنقابة الأمن تستنكر .. هل يعتبر الاعب حمدي النقاز نفسه فوق القانون...

نقابة الأمن تستنكر .. هل يعتبر الاعب حمدي النقاز نفسه فوق القانون ؟

عبّرت نقابة الأمن الداخلي في تدوينة نشرتها على صفحتها بموقع التواصل الإجتماعي “فايسبوك” عن إستنكارها تكوين الجامعة التونسية لكرة القدم بقيادة وديع الجرئ لهيئة من المحامين للدفاع عن اللاعب الدّولي حمدي النقاز الذي سُجن بتهمة هضم جانب موظّف عمومي أثناء مباشرة مهامه.

و إستغربت النقابة من تدخّل الجامعة في هذه القضيّة أنّ لاعب النجم الساحلي السابق ليس فوق القانون خاصّة و أنّه إعتدى ماديّا و لفضيٌا على أحد أعوان الأمن حسب نص التدوينة.

و جاء نص التدوينة كالتالي :

مشكورين الزملاء في الحافلة كان يعاودولنا العملية بالصور البطيئة
مواطن تونسي مخالف للحجر الصحي
توقفو دورية امنية للتثبت من صحة جولانه
يطلبو منو تسخير الجولان ( هذا اجراء يطبق عالناس الكل)
يقوللهم حرفيا : انا مانستحقش رخصة و اسمي وحدو ترخيص
الزملاء طبقو عليه القانون بمحاولة اقتياده لمقر الوحدة الامنية لتحرير محضر في الغرض لمخالفة الحجر الصحي + حجز الوسيلة ..
لحد لهنا الامنيين يخدمو على رواحهم و يطبقو في القانون
شنوة صار ؟؟
سبهم الكل و لا خلالهم لا اماتهم لا عايلاتهم لا ربي لا الدين
يعتدي عليهم بالضرب و يخليلهم اثار كبيرة و هنا كان جينا نطبقو القانون بحذافره و ندافعو على رواحنا راهو ولينا نحن المعتدين و احنا الظالمين ورانا تحطينا في الحبس بالوقت ..
تثار قضية و يتحكم بأربعة اشهر مع النفاذ العاجل و خطية مالية
لحد هنا واضح
شتعمل الجامعة و بش نبسطوها ؟!!
تسخر محامين بش يخرجوه مالقضية هاذي و نورمال يتهنتلو البوليسية و يتضربو و يتسبو و يتهانو عااادي جدا
و القانون موش لازم يتطبق بما انه لاعب دولي
في دول اخرى الملاعبية العالميين يتطبق عليهم القانون و يدخلو للحبس كي تحكم عليهم المحكمة و تكون فمة قرائن ضدهم اما نحن في تونس الجامعة الي مافهمتش شمدخلها في الموضوع و بأي صفة قانونية تسخر محامين و من مال شكون وعلى حساب شكون تشجع عالتسيب و تزيد تسخر محامين بش الامنيين و هيبة الدولة تتشلك ..
على كل لازم تعرفو الي لو حق الامنيين تحاولو تضيعوه او تميعوها القضية رانا موش بش نسكتو و بش نبداو نجبدو في المخبل في كبة و رانا مع الامنيين ماعندناش صاحب و الزملاء لو تحاول الادارة تضغط عليهم او تحاولو تضغطو عالقضاء فنحن رانا موجودين ..
بوس خوك و روح راهي ما فماش منها ..
عندنا ثيقة كبيرة في زملائنا مالمؤسسة القضائية في نصرة الخق و متأكدين من نزاهتهم و نعرفو انهم موجودين لنصرة المظلومين و نتمناو الاربعة شهر مع النفاذ العاجل ما توليش اربعة شهر سرسي مع خطية مالية و نتمناكم تحطو رواحكم في موقف الامنيين المظلومين تو تتبينو كمية المحقرانية و الظلم الي يعيشوها يوميا ..
الامني ماهوش شوليقة بش الي مايسواش يتعدى عليه و يروح كأن شيئا لم يكن ..
الشعر الي زرعتو يا باشا على قريب يطيح الكل وهذا وعد ….

يذكر أنّ لاعب المنتخب التونسي دخل في إضراب جوع احتجاجا على وضعه.

- Advertisement -
مقالات ذات صلة

الأكثر شهرة