تعلّقت به شبهات فساد .. وديع الجريء في قفص الاتهام
أعلن النائب عن حركة أمل وعمل في مجلس نواب الشعب ياسين العياري عن فتح ملف رئيس الجامعة التونسية لكرة القدم وديع الجريء الغامض و ذلك بعد تلقيه عديد الشكاوي في الغرض تشير إلى وجود شبهة فساد ومحسوبية وتجاوزات من طرفه .
و كتب النائب بمجلس نواب الشعب قائلا :
» شكرا لكم جميعا على التوضيحات، على المراسلات : فهمت!
فريق نزع الريش لأمل و عمل سيفتح ملف وديع الجريء، هذا الغول الذي يخافه الجميع على ما يبدو، المدعوم سياسيا، الي في السر في ال off الناس الكل تسب فيه و تحكي على شبهات التجاوزات متاعه، لكن في العلن الأغلبية يلبدو خوفا! السيد الي يسمح لنفسه باش يلعب بمصالح الشعب التونسي (منصب رئيس ال caf أقوى منصب ديبلوماسي في إفريقيا) و يبيع الطرح للمغرب و لأحمد أحمد لأجل مصالحه الذاتية.
لا عندنا جمعية باش إتطيحها أو تعرقلها يا وديع، لا عندنا شكون يصرف علينا باش تضغط عليه و داعميك السياسين في المجلس أو خارجه و أصحابك و لوبياتك ما يأثروش فينا و ما يخوفناش!
عمليا :
– سنساند هلال الشابة مساندة تامة بكل الوسائل و الطرق التي يمنحها القانون و نتبنى كل طلباتها في الشفافية و المحاسبة.
– بما أن الجامعة تتمتع بفلوس دافع الضرائب، سنطلب مهمة تفقد مالي معمق من محكمة المحاسبات، مهمة تفقد من وزارة الرياضة.
– سنراسل وزارات الصحة و الرياضة لمعرفة هل أعلمهم وديع الجريء بالإصابات المؤكدة للاعبين في نهائي الكأس : إن كان يعلم و ما أعلمهمش سننقل الأمر للقضاء.
– سينكب الفريق القانوني لأمل و عمل لإستحداث نصوص تشريعية و قوانين جديدة، لتكون بالقانون الأولوية في إعطاء الترشحات للمنظمات الرياضية الدولية للتونسي الاكثر حظا في الفوز.
– سيتكلف الفريق الإستقصائي لأمل و عمل في البحث على طارق بوشماوي، إن تعلقت به شبهات فساد من أي نوع.
الميدان الرياضي جديد جدا على أمل و عمل، اذا ثمة شكون مختص في القانون الرياضي، عنده أفكار أخرى، إقتراحات، نحن على الذمة، و كيف العادة : مستعدين نخدموا مع الناس الكل، الكل! في ما فيه مصلحة تونس، في ما ينفع الناس.
صحيح إمكانياتنا شوية بالكل، لكن ماكم جربتونا : نفعل ما نقول و نكبشوا ما نسيبوش!
#ما_ينفع_الناس
#أمل_و_عمل